Bunu politoloq Elxan Şahinoğlu deyib.

Onun sözlərinə görə, zəlzələ üzrə mütəxəssislər bu versiyanı rədd edirlər:

"Elm adamlarından biri 7 bal gücündə zəlzələ yaratmaq üçün İkinci Dünya müharibəsində Yaponiyanın Xirosima şəhərinə atılan atom bombasından yüz minlərlə lazım olduğunu deyib. Dünyada süni surətdə zəlzələ yaratmaq üçün enerji yoxdur. Zəlzələlər yerin yüz kilometrliklərlə dərin qatlarında baş verir.

ABŞ dünyanın ən güclü dövləti sayılır. Ancaq dünyanın superdövləti belə süni surətdə zəlzələ, sunami yarada bilməz. Amerikanın belə bir gücü olsaydı, birinci Ukraynaya qarşı işğalçı müharibə aparan Rusiyanı çökdürərdi. "Zəlzələ Amerikanın işidir" ittihamlarını səsləndirməkdənsə, bu təbii fəlakətə dözümlü binaların tikintisi və digər binalarının möhkəmləndirilməsi barədə düşünülməlidir".

Elxan Şahinoğlu bildirib ki, Yaponiyada daha şiddətli zəlzələlər baş verir, ancaq binalar zərər görmür:

"Çünki bu ölkədə zəlzələyə dözümlü texnologiyalardan istifadə olunur. Ancaq Yaponiya kimi ölkə də sunamiyə təslim oldu və sahildəki "Fukusima" atom elektrik stansiyası zərər gördü.

Türkiyədə zəlzələnin baş verdiyi ərazidə Rusiya texnologiyası əsasında "Akkuyu" atom elektrik stansiyası inşa edilir. Əsas məsələ bu stansiyasının şiddətli zəlzələyə və sunamiyə dözümlülüyünü təmin etməkdir".