London sakini Sara Qrin tələbəlik illərində pişik yeməyi yeməyə məcbur olub, bundan sonra varlanmağın yolunu tapıb.

Son.az bildirir ki, o, uğurunun sirrini "Daily Star"a müsahibəsində açıqlayıb.

Bildirilir ki, Psixologiya fakültəsində oxuduğu müddətdə tələbə vaxtaşırı heyvanlar üçün konservləşdirilmiş yeməklər yeyib, otaq yoldaşlarından duş geli oğurlayıb, hətta pula qənaət etmək üçün saçını da kəsdirib. "29 pensə (təxminən 30 sent) makaron və duzlu çips aldım. Pulum ancaq buna çatıb. Bir pişik tez-tez mənzilimizə gəlirdi və rəfiqələrim ona konservləşdirilmiş qızılbalıq alırdılar. Yeməyim olmayanda mətbəxə getdim və qutunun içindəkiləri yedim", - deyə Qrin etiraf edib.

Bir gün nəşrin həmsöhbəti Londonda restoran və barları ziyarət etmək üçün istifadəçilərinə kriptovalyuta ilə pul ödəyən "Bloc" pulsuz sosial şəbəkəsinə rast gəlib. Qeyd olunur ki, britaniyalı təcrübə xatirinə orada qeydiyyatdan keçib.

"Mən tədricən müxtəlif yerlərə getməyə, alkoqolsuz kokteyllər sifariş etməyə və orada işə baxmağa başladım. Bir neçə həftədən sonra mənim kriptovalyuta hesabım böyüməyə başladı, bunu heç gözləmirdim. Mən buna daha ciddi yanaşmağa başladım, getdikcə daha çox yerlərə baş çəkdim. Bir neçə ay ərzində mən beş min funt sterlinqdən çox qazandım və onları həyat keyfiyyətini yaxşılaşdırmağa xərclədim: ən yaxşı restoranlarda yemək yedim, gözəllik salonlarını ziyarət etdim, kosmetika aldım", - deyə Qrin deyib.

İrfan Vəliyev Son.az