Qurani-Kərimdə buyurulur: "(O şəriklərmi yaxşıdır,) yoxsa göyləri və yeri yaradan, göydən sizə (yağış, qar və dolu şəklində) su nazil edən?

Beləliklə (həmin suyun) vasitəsilə gözəl, yamyaşıl və könül oxşayan bağlar yetişdirdik ki, onların ağaclarını bitirmək sizin üçün müyəssər deyildi! Məgər heç tək olan Allahla yanaşı, başqa bir tanrımı var?

(Xeyr,) əslində onlar (Allahdan) üz döndərən və Ona şərik qoşan bir tayfadırlar". ("Nəml" 60).

İslam Peyğəmbəri (s) buyurur: "Hər kim ağac əkərsə və onu saxlamaqda səy göstərərsə ki, meyvə versin - o meyvədən əldə olunanların qarşılığında Allah yanında mükafatı olar".

O zaman ki, İmam Əli (ə) Allahdan yağış yağmasını istəyir, belə buyurur: "Allahım, öz rəhmətini bol yağışlı buludlar, çox sulu bahar və xoş mənzərəli bitkilər ilə bizə nazil et. Bizlərə iri damcılı yağış endir ki, ölüləri diriltsin və əlimizdən gedənləri bizə qaytarsın".