İrəvan təşvişdə: Moskvadan imtina baha başa gəlir…


Digərləri 27 Dek 2022 14:01:00 469 0

İrəvan təşvişdə: Moskvadan imtina baha başa gəlir…

23 dekabra Moskvada nəzərdə tutulan Rusiya, Azərbaycan və Ermənistan XİN başçılarının üçtərəfli görüşündən İrəvanın imtinası ətrafında qalmaqal davam edir.

Son.az Axar.az-a istinadən xəbər verir ki,Rusiyanın bu məsələyə kəskin reaksiyası, xüsusilə XİN rəhbəri Sergey Lavrovun mətbuat konfransında Ermənistana ünvanlanan sərt ritorikası İrəvanda ciddi narahatlıq yaradıb.

Rəsmi İrəvan Moskvadan imtinanın səbəb olacağı fəsadları sanki indi dərk edib və əl-ayağa düşüb.

Məsələ barədə danışan Ermənistan Təhlükəsizlik Şurasının katibi Armen Qriqoryan deyib ki, İrəvan xarici işlər nazirlərinin Moskva görüşünü boykot etməyib.

O, "özünəbəraət" olaraq bildirib ki, guya "böhran və təhlükə şəraitində danışıqlar aparmaq çətindir".

Halbuki Lavrov da məhz böhran vaxtı danışıqların əhəmiyyətli olduğunu, ölkəsinin mövqeyinin ifadə edilməsinin əhəmiyyətini vurğulamışdı.