Lerik Piran kənd sakini Qalib Kərimov yaşadığı ərazidən keçən Ləkəçayın ekoloji təhlükə ilə üz-üzə qaldığını bildirən videonu qaynar nömrəmizə göndərib. Həmin video günün müxtəlif saatlarında çay sahilində çəkilib. Görüntülərdən çay yatağının ağır texnika ilə qazıldığı açıq-aşkar görünür. Video müəllifi bu halın uzun müddətdir davam etdiyini, çay yatağı ətrafında böyük bir yarğan açıldığını bildirir.