Böyük Britaniyada benzin defisitinə görə ölkənin bir sıra yerlərində benzin doldurma məntəqələrinə insanların axını, panika və bundan qaynaqlanan xaos yaşanır.

Son.az bakupost-a istinadən xəbər verir ki, ölkədə bir həftədir benzin çatışmır, yanacaq üçün uzun növbələr var. Yerli hökumət hərbçilərin köməyilə yanacaqdoldurma məntəqələrində sabitlik yaratmaq istəyir.

Defisitin səbəbi yanacağın daşınması ilə məşğul olan şirkətlərdə pandemiya səbəbindən yubanmalar, sürücü çatışmazlığı və qeyri-sağlam rəqabətin olmasıdır.

Ötən həftə BP benzin çatışmazlığına görə 10-dan çox benzindoldurma məntəqəsini bağlamışdı. Bundan sonra əhali benzinin çatışmayacağını düşünərək, məntəqələrə "hücuma" keçmişdilər.