Paytaxtın Balaxanı qəsəbəsi Həsən Əliyev küçəsində bir qrup sakin uzun illərdi qaz problemi yaşayır.  

Sakinlər deyir ki, qarşıdan soyuq aylar gəlir, qaz olmadığına görə indidən evlərini necə  qızdıracağlarını düşünürlər. Məsələ ilə bağlı əlaqədar təşkilatlara müraciət etsələr də nəticəsi olmayıb.

Sakinlər qaz olmadığına  görə  daha  çox işıq pulu ödədiklərini deyirlər. Xəzər Xəbər məsələ ilə bağlı Azəriqaz İstehsalat birliyi ilə əlaqə saxlayıb. Qurumun mətbuat katibi Eldəniz Vəliyev bildirildi ki, sözügedən ərazidəki fərdi yaşayış evlərinin qazlaşdırılması üçün işlərə başlanacaq.

Sakinlər qaz problemlərinin tezliklə  həll  ediləcəyini ümid edirlər.