Hüseyniyyələri ya imkanlı bir adam xeyriyyə məqsədilə təkbaşına tikdirə, ya da bir neçə adam yardımlaşıb tikə bilər. Məhərrəmlik mövsümü zamanı İmam Hüseyn üçün matəm məclisləri hüseyniyyələrdə keçirilir. Bəzən hüseyniyyə müəyyən bir məscidin icması tərəfindən tikilir və həmin məscidin nəzdində fəaliyyət göstərir.

Hüseyniyyənin işi yalnız məhərrəm məclislərinin keçirilməsi ilə məhdudlaşmır, orada dini məzmunlu başqa tədbirlər (müqəddəs şəxslərin mövlud və şəhadət günləri, bayram məclisləri) keçirmək, dini dərslər təşkil etmək də olar.