ABŞ İstanbulda Əfqanıstan üzrə konstruktiv danışıqların keçirilməsi üzərində işləyir
Dünya 09 Apr 2021 09:10:00 106 0
ABŞ Türkiyə və Əfqanıstanla birlikdə İstanbul konfransının keçirilməsi üzərində işləyir.
Son.az Trend-ə istinadən bildirir ki, bunu mütəmadi brifinq zamanı jurnalistlərə açıqlamasında ABŞ Dövlət Departamentinin mətbuat katibi Ned Prays deyib.
N.Pray bildirib: "Bu konfransda konstruktiv iştiraka hazırlaşmaq üçün Türkiyəli həmkarlarımız və Əfqanıstan tərəfi ilə birlikdə işləyirik". Mətbuat katibi qeyd edib ki, Əfqanıstanda "sülh prosesini sürətləndirəcək" görüşün hazırlanması üzrə fəal iş aparılır:
"Qarşıdakı konfrans Əfqanıstan tərəfinə məsləhətləşmələr yolu ilə irəliləməyə kömək etmək məqsədi daşıyır və hazırda Dohada davam edən sülh danışıqlarının bir hissəsidir".
Onun sözlərinə görə, ABŞ-ın Əfqanıstan üzrə xüsusi elçisi Zalmay Xəlilzad hələki Qətərin paytaxtında Əfqanıstan hökuməti və radikal "Taliban" hərəkatının nümayəndələri ilə məsləhətləşmələrdə iştirak edir.