Son.az modern.az-a istinadən bildirir ki, koronavirusa yoluxanlar içərisində məşhurlar da var. Onlar arasında sağalanlarla yanaşı, dünyasını dəyişənlərin olduğu da məlumdur. Dünyada koronavirusdan vəfat edən məşhurların sayı kifayət qədər çoxdur.

Koronavirusuna yoluxan məşhurlardan bəzilərini təqdim edirik:

Koronavirusa ilk yoluxan məşhurlar arasında İngiltərənin baş naziri Boris Consun və Kanadanın baş naziri Castin Trüdorun həyat yoldaşı Sofi Qrequar Trüdo oldular. Onların pozitiv çıxan koronavirus testindən sonra müalicəsinin uğurla davam etdiyi və sağaldıqları bildirilib.

Son zamanlarda COVID-19 testi pozitiv çıxan siyasətçilər isə Amerika prezidenti Donald Tramp və Rusiyanın xarici işlər naziri Sergey Lavrov oldu. Qısamüddətli müalicədən sonra hər iki siyasətçi sağalaraq, işinin başına qayıda bildilər.   

Məşhur aktyor Tom Henks və həyat yoldaşı Rita Vilson da COVID-19-a yoluxublar. Onların koronavirus testinin pozitiv çıxması mətbuatda səs-küyə səbəb olmuşdu. Aktyor və həyat yoldaşı da pandemiyadan canlarını qurtara biliblər.

Braziliya prezidenti Jair Bolsonaru, İranın vitse-prezidenti İshak Cihangiri, Fransanın Mədəniyyət naziri Frank Riester, İngiltərə Səhiyyə nazirinin müavini Nadine Dorries, İran prezidentinin köməkçisi Məsumə Ebtekar, İtaliya Quru Qoşunları generalı Farina, Avropa İttifaqı Parlamentinin prezidenti David Maria Sassoli də COVID-19-dan müalicə alan məşhur siyasətçilərdir.

Koronavirusa yoluxması xəbəri mətbuatın gündəminə çevrilən məşhurlar arasında tanınmış klubların futbolçuları da yer aldılar. "Arsenal"ın texniki direktoru Mikel Arteta, "Yuventus"un ulduz oyunçusu Kriştianu Ronaldo, "Çelsi"nin topçusu Handson-Odoi, Türkiyəli məşhur futbolçu, "Fenerbahçe" klubunun qapıçısı olmuş Rüştü Rəcbər COVID-19-a yaxalananlar sırasında idilər.