Son.az AZƏRTAC-a istinadən bildirir ki, bu barədə prefekturanın qubernatoru Hideaki Omura avqustun 5-də bəyan edib.

"Fövqəladə vəziyyət rejimi avqustun 6-dan 24-dək davam edəcək. Biz Aiçi sakinlərini lazımsız və təcili olmayan səfərlərdən çəkinməyə, o cümlədən prefekturadan kənara, digər regionlara səyahət etməməyə çağırırıq".

Qeyd edək ki, mərkəzi şəhəri Naqoya olan Aiçi prefekturası Hönşü adasının mərkəzi hissəsində yerləşir. Bu prefekturada təqribən 7,5 milyon insan yaşayır. Eyni zamanda, burada çoxsaylı sənaye müəssisələri yerləşir.

Bildirilir ki, son doqquz gündə prefekturada sutkada 100-dən çox koronavirusa yoluxan qeydə alınıb və bu fakt yerli hakimiyyət orqanlarını məhdudiyyət tədbirlərini gücləndirməyə vadar edib. Aiçi prefekturasından əvvəl Okinava və Mie prefekturalarında da fövqəladə vəziyyət rejimi elan edilib.