Dənizdə batanlardan biri tanınmış şairin oğludur
Digərləri 01 Avq 2020 14:07:00 176 0
Dünən Sumqayıtda dənizdə (nəzarətsiz ərazidə) 2 nəfərin batması barədə məlumat yayılıb.
Fövqəladə Hallar Nazirliyi bu gün boğulan şəxslərdən birinin, 2005-ci il təvəllüdlü Məmmədov Babalar Famil oğlunun meyitini taparaq aidiyyəti üzrə təhvil verib. Dənizdə batan digər gənc, 2005-ci il təvəllüdlü Vəliyev Pərvizin axtarışları isə davam etdirilir.
Son.az qafqazinfo-ya istinadən xəbər verir ki, 15 yaşlı Pərviz tanınmış şair Şaiq Vəlinin oğludur.
Bu barədə yazıçı Şərif Ağayar sosial şəbəkədə məlumat yayıb:
"Olmur, alınmır. Çox ağırdır. Şaiq Vəlinin sarışın saçlı, ən çox sevdiyi oğlu dənizdə batdı".
Qeyd edək ki, şair 2013-cü ildə uzun sürən ağır xəstəlikdən sonra vəfat edib.
Mənbə: milli.az