Çində SES-də partlayış olub, 6 nəfər ölüb, 5-i yaralanıb
Dünya 29 May 2020 16:31:00 163 0
Məlumata görə, partlayış su bəndinin havalandırma sisteminin təmizlənməsi zamanı olub.
Çinin cənub-qərbində yerləşən Yunnan əyalətində Su Elektrik Stansiyasında (SES) partlayış nəticəsində 6 nəfər ölüb, 5 nəfər yaralanıb.
“Report” “RİA Novosti”yə istinadən xəbər verir ki, bunu Yunnan əyalətinin hökuməti açıqlayıb.
Bildirilib ki, qəza mayın 29-da əyalətin Moszyan qəsəbəsində baş verib.
Məlumata görə, partlayış su bəndinin havalandırma sisteminin təmizlənməsi zamanı olub. Axtarış-xilasetmə işləri başa çatıb.
Qəzanın səbəbi araşdırılır.
Mənbə: report.az