Tərkibində olan bioloji aktiv maddələr çox olan meyvələrdən biri də heyvadır.

Son.az xəbər verir ki, bu meyvənin tərkibində pektin, alma turşusu, limon turşusu, tartran turşusu, müəyyən miqdarda karotin və askorbin turşusu var. Bundan əlavə PP, E, B1, B2, B6 vitaminləri, dəmir, mis, kaliy, maqniy, fosfor, marqanes, nikel, bor kimi mikroelementlərlə zəngindir.

Heyva, tərkibində xolesterin, yağ və natrinin olmamasına görə ideal dietik qida sayılır. Gözəl ətirə və dada malik olması ilə bərabər bu meyvə öz müalicəvi xüsusiyyətləri ilə bir çox məhsulları üstələyir. Kalori dəyəri 100 qram məhsula - 37-58 kkal təşkil edir. Məhz bu səbəbdən dietoloqlar piylənmə problemindən əziyyət çəkən xəstələrə bu məhsulu məsləhət görürülər. (publika.az)