Son.az AZƏRTAC-a istinadən bildirir ki, peşəkar idmançı velosipedlə yaşlılara təmənnasız olaraq yemək, ərzaq və dərman çatdırır. O, bu barədə şəxsi "Instagram" səhifəsində yazıb. Qeyd edib ki, bu işi könüllü olaraq yerinə yetirir.

Martinelli İtaliyanın şimalındakı 1500 nəfər əhalisi olan doğma Lodetto qəsəbəsindəki yaşlılara kömək edir. Sözügedən qəsəbədə aptek və ərzaq mağazaları yoxdur. İdmançı vurğulayıb ki, onun bütün uğurlarında bu qəsəbə sakinlərinin rolu böyükdür və bu yolla o, borcundan çıxır.