"Bu, uzunmüddətli bir mübarizə olacaq. Müdafiədən əl çəkə bilmərik. Hər bir dövlət yerli vəziyyətə uyğun olaraq cavab tədbirləri görməlidir - deyə, ÜST-nın Qərbi Sakit okeanı hövfəzi proqramının regional direktoru Takeşi Kasai bildirib.

Çində çərşənbə axşamı 48 yeni yoluxma faktı qeydə alınıb. Cənubi Koreyada 125 yeni yoluxma halı təsdiqlənib.

Kasai və digər ekspertlər hökumətlərin daha ciddi ölçülər götürməsinin və virusun yayılmasının qarşısının alınması üçün təzyiqlərinin artırılmasının vacibliyini qeyd edib.

Lakin Ümumdünya Səhiyyə Təşkilatının fövqəladə hallar proqramının icraçı direktoru Maykl Rayan İtaliya və İspaniya da daxil olmaqla, hökumətlərin ağır nətəcələr qarşısında olduunu deyib. O, yaxın zamanda vəziyyətin sabitləşəcəyinə ümidini ifadə edib. Lakin Rayan virusun özü-özlüyündə dayanmayacağını deyərək, hökumətləri bu sahədə ciddi addımlar atmağa çağırıb.

Koronavirus üzrə texniki rəhbər Mariya Van Kerkhov bildirib ki, ictimai səylərə testlər, təcridolmalar, karantiklər daxil edilməlidir.

Bazar ertəsi İtaliyada daha 812 nəfərin həyatını itirdiyi bildirilib. Bu ölkədə indiyədək ölənlərin sayı 11 591 nəfərdir.

Çində yoluxma halları azalıb. Yalnız ABŞ-da xəstələrin sayı İtaliya və Fransadan çoxdur.

Rayan səhiyyə işçiləri üçün qoruyucu maskaların çatışmazlığına da toxunaraq, ÜST-nin ümumiyyətlə sağlam insanların maskalar taxmamaları barədə tövsiyələrini təkrar edib.

"Maska taxmağın potensial imtiyazlarına dair heç bir dədlil mövcud deyil. Əslində, maskaların düzgün taxılmamasının əksini sübut edən dəlillər var" - deyə, o bildirib.