Gürcüstanda koronavirusa yoluxanların sayı artıb.

“Report”un yerli bürosu xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.

Məlumata görə,təsdiqlənən koronavirusa yoluxma halları 97-yə çatıb.

Qeyd olunub ki, karantində 4 876, stasionar nəzarətdə isə 264 nəfər saxlanılır.

COVID-19 infeksiyasından sağalanların sayı 18 nəfər təşkil edir.

Hazırda aktiv koronavirus xəstələrinin sayı 79 nəfərdir.