Azərbaycanda gənc sahibkarlar üçün vergi güzəştlərinin tətbiqi gözlənilir
Digərləri 10 Dek 2019 12:42:00 132 0
Azərbaycanda gənc sahibkarlar üçün vergi güzəştləri mexanizminin tətbiqi gözlənilir
Bakı. Eldar Canaşvili -
Azərbaycanda gənc sahibkarlar üçün vergi güzəştləri mexanizminin tətbiqi gözlənilir.
Trend-in məlumatına görə, bu barədə KOBİA-nın idarə heyətinin sədri Orxan Məmmədov dekabrın 10-da Bakıda keçirilən Gənc Sahibkarların I Forumunda deyib.
O bildirib ki, bu gün Gənclər Fondunun hesabına innovasiya layihələri və startapların maliyyələşdirilməsi üçün banklar vasitəsilə 50 min manatadək güzəştli kreditin verilməsi mexanizmi mövcuddur:
“Startapların fəaliyyətinin stimullaşdırılması üçün kredit dəstəyi ilə yanaşı, vergi güzəştləri nəzərdə tutulur. Hesab edirik ki, mexanizm işə düşdükdən sonra bu dəstəkdən istifadə edənlərin sayı artacaq”.
Mənbə: az.trend.az