Son.az ictnews.az-a istinadən bildirir ki, "IDC" tədqiqat şirkətinin analitiklərinin məlumatına əsasən, 2019-cu ilin noyabrında Çin bazarına tədarük edilmiş "5G" smartfonlarının sayı 500 min təşkil edib. Bu halda ölkədə beşinci nəsil şəbəkələrinin kommersiya istismarına noyabrın 1-də start verilib.

"Canalys" şirkətinin tədqiqatçılarının proqnozuna görə, 2019-2023-cü illərdə "5G" dəstəkli telefonların qlobal tədarük həcmi 1,9 milyarda yaxınlaşacaq. Yuxarıda göstərilmiş müddətin sonunda Çin "5G" şəbəkələrini dəstəkləyən qurğuların ən böyük satış bazarı olacaq.