TANAP çiçəklənmə və sülhə yönəlmiş nəhəng layihədir Türkiyə Prezidentinin müşaviri
Digərləri 02 Dek 2019 21:04:00 129 0
Trans-Anadolu qaz kəməri (TANAP) təkcə qardaş Azərbaycanla Türkiyənin deyil, həm bütün regionun çiçəklənməsinə və sülhə yönələn nəhəng layihədir.
Son.az bildirir ki, bunu Trend-ə Türkiyə Prezidentinin müşaviri Yalçın Topçu deyib.
O qeyd edib ki, TANAP Türkiyə ilə Azərbaycan arasında qardaşlıq münasibətlərinin bariz nümunəsidir:
"Türkiyə və Azərbaycan bir millət, iki dövlətdir, TANAP və digər layihələrin reallaşdırılması ilə biz bunu bir daha təsdiq etdik. Türkiyə və Azərbaycan hər zaman qardaş ölkə olacaq".
Qeyd edək ki, noyabrın 30-da Türkiyənin Ədirnə şəhərinin İpsala qəsəbəsində Trans Anadolu Təbii Qaz Boru Kəmərinin (TANAP) Avropa bağlantısının (Faza-1) açılış mərasimi keçirilib.
Mənbə: milli.az