Bakı. Eldar Canaşvili - Azərbaycan Almaniyanın Cənubi Qafqazda mühüm iqtisadi və ticari tərəfdaşıdır. Trend-in məlumatına görə, bunu “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı”nın 10 illiyinə həsr olunmuş tədbirdə çıxışə zamanı Azərbaycanın İqtisadiyyat nazirinin müavini Niyazi Səfərov deyib. N.Səfərovun sözlərinə görə, Azərbaycan iqtisadiyyatın, yüksək texnologiyaların rəqəmsallaşdırılması sahəsində Almaniya ilə ticari əlaqələrin qurulması və genişləndirilməsini yüksək qiymətləndirir.