Suriyada silahlı birləşmədə iştirak edən dəstənin məhkəməsi yekunlaşdı
Digərləri 27 Noy 2019 16:42:56 109 0
Bakı Ağır Cinayətlər Məhkəməsində Suriyada qanunsuz silahlı birləşmələrin tərkibində döyüşməkdə təqsirləndirilən Əfqan Aslanov və Bilal İsmayılovun cinayət işi üzrə məhkəmə prosesi davam etdirilib.
Bakı. Samir Əli -
Bakı Ağır Cinayətlər Məhkəməsində Suriyada qanunsuz silahlı birləşmələrin tərkibində döyüşməkdə təqsirləndirilən Əfqan Aslanov və Bilal İsmayılovun cinayət işi üzrə məhkəmə prosesi davam etdirilib.
Trend-in məlumatına görə, prosesdə hakim məhkəmə istintaqının yekunlaşdığını bildirib və çıxış üçün dövlət ittihamçısına söz verib. Prokuror çıxış üçün məhkəmədən vaxt istəyib.
Məhkəmə bu məqsədlə növbəti prosesi dekabrın 5-ə təyin edib.
İttihama görə, təqsirləndirilən şəxslər 2013-cü ildə Suriyada qanunsuz silahlı birləşmələrin tərkibinə qoşulub və təlimlərdə iştirak ediblər. Onlar 2019-cu ildə həbs ediliblər.
Mənbə: az.trend.az