Microsoft şirkəti son illərdə artıq hər 6 aydan bir Windows 10 ƏS'i üçün irihəcmli yenilənmələr çıxarır. Bu ilin sonuncu yenilənməsi 19H2 Noyabr ayının 12-sində istifadəyə verildi. Microsoft iddia edir ki, ən performanslı və stabil işləyən Windows versiyası budur. Windows 10 sistemi son yenilənmələrdən sonra əvvəlki kimi stabil işləmirdi. Son.az technote.az-a istinadən bildirir ki, çoxsaylı şikayətlər səbəbi ilə bir sonrakı 19H2 yenilənməsinin əsasən performans və stabilliyə fokuslanması nəzərdə tutuldu. Nəhayət yenilənmə çıxdıqdan sonra istifadəçilərdən çox müsbət geri dönüşlər gəldi. 19H2 versiyasının ən böyük fərqi isə İntel prosessorlar üçün nüvələrin idarə edilməsi 15% daha yaxşılaşdırılmasıdır. Artıq çox nüvəli i5 və i7 prosessorlar bütün nüvələrdən yüksək potensialda istifadə edə biləcəyi üçün köhnə cihazlarda belə sürət,optimizasiya və stabillik artacaqdır.