İtaliyada pirotexniki vasitələr anbarında partlayış olub.

"Report" xəbər verir ki, bu barədə"La Repubblica" qəzeti öz saytında bildirib.

Məlumata görə, hadisə Siciliya adasında, Messina əyalətində qeydə alınıb.

Barçellona-Posso-di-Qotto yaşayış məntəqəsində baş verən partlayış zamanı azı 4 nəfər həlak olub. Qeyd edilir ki, ölənlər arasında firma sahibinin arvadı da var.

Qəzetin məlumatına görə, hadisə zamanı daha 2 nəfər xəsarət alıb, bir nəfər itkin düşüb. Yaralılar xəstəxanaya çatdırılıb, onlardan birinin vəziyyəti ağırdır.

Hadisənin başvermə səbəbləri müəyyənləşdirilir.

Şəkli yükləmək Şəklə tam ölçüdə baxmaq Arxiv şəklində yükləmək