Bakı. Elçin Mehdiyev – Bu ilin yanvar-sentyabr aylarında Azərbaycanda qeydiyyat şöbələri tərəfindən 46 min 898 nikah və 12 min 713 boşanma halları qeydə alınıb. Trend-in məlumatına görə, ötən ilin müvafiq dövrü ilə müqayisədə əhalinin hər 1000 nəfərinə nikahların sayı dəyişməyərək eyni səviyyədə (6,3) qalıb, boşanmaların sayı isə 1,5-dən 1,7-yə qədər artıb. Ünmumilikdə Azərbaycanda boşananlar arasında nikahı 5 ilə qədər davam edənlər çoxluq təşkil edir. 2018-ci il ərzində Azərbaycanda 14 857 boşanma qeydə alınıb. Boşananların 5296-nin nikahı 5 ilə qədər, 4188-nin nikahı 5-9 il, 3441-nin nikahı 10-19 il, 1932-nin nikahı 20 il və çox davam edib. (adsgarden = window.adsgarden || []).push({}); Boşanmalar daha çox 30-34 yaşlı kişilər, 25-29 yaşlı qadınlar arasında qeydə alınır. Trend-in ən mühüm və maraqlı xəbərlərini "Telegram"da izləyin