Bu ay etirazlzar zamanı ölənlərin sayı isə artıq 2015-ə çatıb. Buna son iki gündə hökümət binalarını və ya Haşed əl-Şaabi qüvvələrinin franskiyasına mənsub ofislərini yandıran zaman onlarla insan daxildir.

Nümayişlər ilk oktyabrın 1-də etirazçıların hökümətdə korrupsiya halları və işçsizlik əleyhinə etiraz etməsi ilə başlayıb. Etirazların ikinci dalğası isə cümə axşamı başlayıb.

Son.az "Amerikanın səsi"nə istinadən bildirir ki, bu dəfəki nümayişlər daha zorakı keçib və üç saat ərzində 48 nəfər öldürülüb.

Şənbə günü üç etirazçı paytaxt Bağdadda öldürülsə də, qurbanların çoxu şiələrin çoxluq təşkil etdiyi cənub bölgələrdə həyatını itirib.

Qarşıdurma cümə günü ölkə boyu 52 nəfərin ölümü ilə nəticələnən etirazlardan bir gün sonraya təsadüf edib.

Polisin verdiyi məlumata görə, bir qrup etirazçı Nəsriyyənin mərkəzində minlərlə etirazçıdan ayrılaraq yerli rəsminin evinə reyd edib. Mühafizəçilər isə onlara atəş açıb.

Bağdadda təhlükəsizlik qüvvələri Təhrir Meydanında nümayişçiləri dağıtmaq üçün gözyaşardıcı qazdan istifadə edib. Yaralanan 26 nəfərdən 5-in vəziyyəti kritikdir.

İraq ordusu və Daxili İşlər Nazirliyi şənbə günü etirazçılara qarşı daha sərt olmağı planlaşdırdıqlarına dair bəyanat yayıblar.