Trend-in "TASS"a istinadən verdiyi məlumata görə, bunu qanunvericilər qarşısında çıxışı zamanı İcmalar Palatasının lideri və Böyük Britaniyanın Nazirlər Kabinetinin üzvü Ceykob Ris-Moq deyib.

C.Ris-Moq bildirib: "Parlamentin bazar ertəsi üçün gündəliyinə gəldikdə, parlamentarilər ətraf mühitin qorunması haqqında qanun layihəsini ikinci oxunuşda müzakirə etməzdən əvvəl onların növbədənkənar parlament seçkilərini müzakirə etmək imkanları olacaq".

O əlavə edib ki, əgər İcmalar palatasına növbədənkənar seçkilər dekabrın 12-sinə təyin edilərsə seçki kampaniyasının keçirilməsi üçün parlament noyabrın 6-sı buraxılacaq.