Bakı. Samir Əli - Bakı-Şamaxı yolunda yeniyetmə qızı maşın vurub. Trend-in məlumatına görə, hadisə Bakı-Şamaxı-Yevlax yolunun 22-ci kilometrliyində, Abşeron rayonu ərazisində baş verib. Bakı şəhər sakini, 1970-ci il təvəllüdlü Ağayev Azad Əzizağa oğlu idarə etdiyi "BMW" markalı 90 DH 530 dövlət nömrə nişanlı avtomobillə Şamaxı rayonu istiqamətində hərəkətdə olarkən yolu keçən, 2002-ci il təvəllüdlü Abdullayeva Solmaz Bəhruz qızını vurub. Yaralı xəstəxanaya aparılarkən yolda dünyasını dəyişib.