Faciələr həm də sığortadan tutmuş təhlükəszilik məsələlərinə qədər indiyə kimi bir çox ciddiyə alınmayan məqamların vacibliyini gündəmə gətirdi.

Bəs belə xoşagəlməz hadisələrdən qaçmaq üçün hansı addımlar atılmalı, önləyici tədbirlər görülməlidir? 

Təhlükəsizlik məsələləri üzrə ekspert Elmar Nurəliyev Son.az-a deyir ki, mərkəzləşmiş soyutma-isilik sistemlərinin olmadığı ticarət mərkəzlərində yanğın hadisələrinin baş verməsi qaçılmazdır: 

"Qarşıdan qış gəlir. Xeyli sayda belə ticarət mərkəzləri vardır ki, onlar da, demək olar ki, mərkəzləşdirilmiş isitmə-soyutma sistemləri yoxdur. Orada olan onlarla, yüzlərlə obyeklər isə qışda isinmək üçün elektrik qızdırıcılarından istifadə edirlər. Hətta 15-20 kv metrlik bir obyektdə iki elektrik qızdırıcıdan və bir də yemək hazırlamaq üçün olan elektrik plitələrindən istifadə etdiyinin şahidi də olarıq. Siz təsəvvür edin onlarla, yüzlərlə obyek bu cür elektrik qızdırıcılarından istifadə edir. Bu da, öz növbəsində, elektrik xətlərində yüklənməyə səbəb olur ki, yanğın təhlükəsi qaçılmaz olur. Baş verən yanğınların səbəblərinə baxsaq, görərik ki, bunların, demək olar ki, çoxu elektrik qısaqapanmasından baş verən yanğınlardır.