Son.az Trend-ə istinadən xəbər verir ki, bunu bu gün İstanbulda keçirdiyi mətbuat konfransında TANAP-ın baş direktoru Saltuk Düzyol deyib.

O qeyd edib ki, yekun investisiya qərarı qəbul ediləndə ümumi xərcləri 11.7 milyard dollar həcmində qiymətləndirilən layihənin tikinti mərhələsində maksimum səmərəlilik nəticəsində 45% qənaətə nail olunub və layihəyə 6.5 milyard dollar sərmayə yatırılıb.

S.Düzyol vurğulayıb ki, boru xəttinin keçdiyi ən yüksək nöqtə 2760 metr olmaqla Ərzincan Qızıldağ mövqeyi oldu: "Ən dərin nöqtə isə 65 metr olmaqla Çanaqqala boğazı olub".