Bakı. Kolumbiyada Suares şəhərinin meri vəzifəsinə namizəd olan Karina Qarsiya silahlı hücum nəticəsində qətlə yetirilib. Trend-in "NTN24" telekanalına istinadən verdiyi məlumata görə, silahlı hücum nəticəsində siyasətçini müşayiət edən daha 5 nəfər öldürülüb. Onların kimliyi müəyyən edilməyib. Bildirilir ki, Kolumbiyanın hüquq-mühafizə orqanları insident ilə bağlı araşdırmaya başlayırlar.