Bakı. Samir Əli - Demokratiya Naminə İnqilab Komitəsi adı altında yaradıldığı bildirilən dərnək üzvü Mahmud Əhmədli həmin təşkilatın üzvlüyündən rəsmi olaraq çıxması ilə bağlı bəyanat verib. Trend-in məlumatına görə, M.Əhmədli bəyanatında qeyd edib ki, təşkilata həmin adın qoyulmasına ilk gündən etiraz edib: "Mən hər zaman ölkədə yaradılmış sabitliyin qorunmasının tərəfdarı olmuşam”. İlk gündən layihənin üzvləri arasında fikir ayrılığı olduğunu vurğulayan M.Əhmədli təşkilatın çox davam etməyərək tezliklə dağılacağını qeyd edir. M.Əhmədli avqustun 29-da təşkilatın üzvlüyündən rəsmi olaraq çıxmağı barədə rəsmi bəyanat verib.