Son.az axşam.az-a istinadən bildirir ki, bu sözləri aparıcı Murad Arif İnstaqram hesabında yazıb. O, daha sonra kainatla bağlı düşüncələrinə belə davam edib:

"Kimik? Bu adamlar kimdir? Haradan gəldik? Niyə buraya gəldik? Məqsədimiz nə idi? Hara gedirik? Gedənlər indi haradadır? Cavabsız (mənasız) yaşamaqdırmı bizimki? Hər şey sənlə başlanıb, bitəcəkmi? Sonra nə olur? Günəş doğarmı? Kimsə yada salarmı? Hər şeyi düz etdinmi? Düz nə idi ki? Düşündükcə batırsan...".

Onun bu fikirlərinə məşhurlar da biganə qalmayıb. Samir Piriyev M. Arifin bu düşüncələrdən uzaqlaşmasını istəyib:

"Deməli, sən də axtarışdasan. Yeni əsrin dərvişi, aramıza xoş gəldin. Axtarışa davam et, istəsən numerologiya və astronomiya elmlərinə də müraciət et, bəlkə nəsə tapa bildin. Nəsimişünaslara yanaş bəlkə bir qismini orda tapdın. Əgər fikrimi bilmək istəsən, ağrımayan başını ağrıtma, rahat həyatını yaşa. Amma yenə də seçim sənindir".