BMT TŞ Liviyadakı missiyasının əməkdaşlarına hücumu pisləyib
Dünya 12 Avq 2019 07:55:00 255 0
BMT Təhlükəsizlik Şurası Liviyada BMT missiyasının əməkdaşlarına hücumu qətiyyətlə pisləyib.
Trend-in "RİA Novosti"yə isrinadən verdiyi məlumata görə, bu barədə BMT Təhlükəsizlik Şurasının yaydığı bəyanatda deyilir.
Bəyanatda bildirilir: "Təhlükəsizlik Şurasının üzvləri avqustun 10-u Benqazi şəhərində BMT konvoyuna edilən hücumu qətiyyətlə pisləyir. Hücumu həyata keçirilənlər müəyyən edilərək məsuliyyətə cəlb olunmalıdırlar".
Xatırladaq ki, avqustun 10-u Benqazi şəhərində partlayıcı maddələrlə doldurulmuş avtomobil partladılıb. Partlayış nəticəsində BMT missiyasının 3 əməkdaşı həlak olub.
Mənbə: milli.az