Bakı. Ölkənin aparıcı korporativ bankı olan PAŞA Bank Azərbaycan bazarında növbəti bir ilkə imza atdı. Belə ki, “Sizinlə bərabər Sizin üçün innovativ həlləri yaradırıq” yanaşmasını rəhbər tutaraq PAŞA Bank öz müştərilərinə iş yerini tərk etmədən əməkhaqqı layihəsinə qoşulmaq və əməkhaqqı kartlarını sifariş etmək imkanını yaratdı. Əməkhaqqı layihəsindən yararlanmaq üçün Müştəri işçi sayını və aylıq əməkhaqqı fondunu qeyd etməklə şirkət üçün münasib olan tarifin təyin olunmasını həyata keçirə bilər. Bununla yanaşı, Bankın Müştərisi işçilərinə ölkənin istənilən nöqtəsinə yeni əməkhaqqı kartlarını sifariş etmək üçün bu sadə addımları atmalıdır: -işçinin şəxsiyyətini təsdiq edən sənədin FİN-ini və mobil nömrəsini daxil etmək; -işçisinin "ASAN Finans" sistemi vasitəsilə məlumatların alınmasına dair razılıq ərizəsini təqdim etmək. Əlavə olaraq PAŞA Bank əməkhaqqı kartlarının bir sıra üstünlüklərini xatırlatmaq istərdik: