Sputnik Azərbaycan xəbər verir ki, təbrik mesajını Tramp öz "Twitter" səhifəsində yazıb. Birləşmiş Ştatlar prezidentinin fikrincə, Conson bu vəzifədə "möhtəşəm" olacaq.

"Boris Consonu Birləşmiş Krallığın yeni Baş naziri seçilməsi münasibətilə təbrik edirik. O, möhtəşəm olacaq ", - Tramp yazıb. Xatırladaq ki, bu gün Böyük Britaniyanın Mühafizəkarlar partiyasının yeni rəhbəri ölkənin sabiq xarici işlər naziri və Londonun sabiq meri Boris Conson seçilib.

Conson çərşənbə günü, hazırkı baş nazir Tereza Mey səlahiyyətlərinin icrasını dayandırdıqdan sonra baş nazir olacaq.