IBM mayelərdəki ləzzətləri sürətlə ortaya çıxara bilən bir elektron dil olan Hayperteysti təqdim etdi. Şirkət, Hayperteystin meydana gəlməsini insanlarda olan dad alma duyğusunu təqlid edən və mayelərdəki komponentləri elektrik yollarla təyin edən və analiz edən bir cihaz olaraq təqdim edir. Bu analizləri daha sürətli və daha etibarlı etmək üçün isə, IBM elektron dillərində süni intellekt texnologiyasından istifadə edir.

Mayeləri bir laboratoriyaya göndərərək analiz etmək mümkün olsa da, bu əməliyyat olduqca zaman və pul tələb edir. IBM Hayperteyst isə bu yanaşmaya alternativ həllər gətirib. IBM Hayperteyst ilə bir mayenin tərkibini dəqiqələr ərzində smartfondan izləmək mümkündür. Bu elektron dil cihazı, məlumatları buludda saxlaya biləcəyiniz bir mobil tətbiqlə birlikdə işləyir.

Elektron dil, bir mayedə olan fərqli kimyəvi maddələrə eyni anda cavab verən və ayrı-ayrı sensorlar ehtiva edən, kombinatorial qəbul etmə adı verilən bir sistem istifadə edir. IBM şirkəti hesab edir ki, süni intellekt sayəsində eyni elektron dil cihazının fərqli işlər üçün istifadə edilməsi mümkün hala gələ bilər.