O zaman nə edək? İnsanları necə tanıyaq?.. Bunu bir neçə bənddə izah edək:

1. Zamana burax, zamanla tanımağa çalış, tələsmə. Milli.az islamevi.az-a istinadən bildirir ki, ayda bir dəfə çayxanada çay içdiyiniz bir nəfər öz qüsurlarını sizdən gizlətmək üçün dişini sıxa bilir. Lakin mütəmadi görüşdüyünüz, bir müddət bərabər qaldığınız insanların bunu edə bilməsi o qədərdə asan deyil. Vərdiş halına gəlmiş mənfi əməllərdən uzun müdət ayrı qalmaq onlar üçün çətin olur.

2. Bəzən hər hansı bir məkanda, həmin insanı tanıyacaqsınız. Həqiqətən də, insanların yetişdiyi məkanların əxlaqlarına, şəxsiyyətlərinə ciddi təsir etdiyi təcrübəylə sabit olan bir faktdır. Hətta məşhur İslam sosioloqu İbn Xaldun, "əl-Muqəddimə" adlı əsərində bu barədə xüsusi bir bölüm açmışdır. İnsanların yetişdiyi mühitin onlara təsiri, Qurani Kərimdə də vurğulanan bir həqiqətdir.

3. Dini şüarlara dərhal aldanma, müşahidə et! İnsanlar hər dövrdə öz məqsədlərini dini pərdələr altında gizlətmişlər. Səhabə zamanında belə sevdiyi qadın üçün "Hicrət" edən kimsələr vardı. Sevdiyi qadının bunu tələb etməsi üzrə Mədinəyə "hicrət" edən adam, səhabələr arasında "Ummu Qaysın mühaciri" (Ummu Qays üçün hicrət edən/köçən) ləqəbiylə tanınırdı. Hətta "Əməllər niyyətlərə görədir..." hədisinin bu səbəblə varid olduğu söylənmişdir.

4. İnsanların davranış tərzindən, zahiri görkəmlərindən nəticə çıxarın. İnsanların özləri haqda ortaya qoyduğu bilgilər iki qisimdir. Özlüyündə ortaya qoyduqları və bizim sınayaraq ortaya çıxmasına səbəb olduqlarımız.

Elədiyi hər məsuliyyətsizliyi "haqqını halal et", edəcəyi hər məsuliyyətsizliyi isə "inşa Allah"deyərək sığortalayan, onu bu davranışına görə qınadıqda isə sizi Allahla üz üzə qoyaraq, "Allah izin verərsə" dediyini xatırladan "sığorta əhli" insanlardan uzaq durun. Bir kimsə ona yaxşılıq edən birini sataraq sizin yanınıza gəlibsə, sizi istifadə etdikdən sonra sizi də satacaq. Çünki, nemətlərə qarşı nankor olmaq belə kimsə üçün artıq bir xislətə çevrilmişdir...

Detallara fikir verin! İnsanlar kiçik işlərdə necə varlarsa, böyük işlərdə necə lazımdırsa elə davranarlar.

5. İnsanları sınayaraq əlavə məlumatlar əldə etməyə çalışın. Təcrübənizə əsaslanaraq, "bu, artıq güvənilir insandır" hissindən əmin olana qədər sınayın, hər şey (ya yaxşı, ya da pis mənada) yavaş-yavaş ortaya çıxacaqdır.

6. İnsanların keçmişiylə maraqlanın. Münasibət quracağınız, tanımaq məcburiyyətində olduğunuz insanların dəyərləndirilməsində ən önəmli qaynaqlardan biri, onların keçmişidir. Bu məsələni boş vermək olmaz.

7. İnsanların ətrafını araşdırın. Həqiqətən də bir çox insan, özünü olduğundan fərqli göstərməyə çalışır. Belə kimsələr adətən toplum içində tək olarlar. Kimsə onların ailələrini, dostlarını, yaxınlarını tanımaz. Keçmişi və ətrafı bilinməyən kimsələrin özlərini fərqli tanıtması çox asandır.

Münasibətdə olduğunuz insanları fərd olaraq deyil, ətrafıyla bərabər tanıyın. Beləliklə qarşınızdakının özünü fərqli təqdim etmə ehtimalı ciddi şəkildə azalar.

8. İnsanlarla yaxınlığınız etaplı/mərhələli formada olsun. Adətən bizlər insanlara bir qədər güvəndikdən sonra onlar üçün qapıları sonuna qədər açırıq. Münasibətdə olduğumuz insanlar hər şeyimizə vaqif olur. Daha sonra onları yanlış tanıdığımızı anladıqda uzaqlaşdırmaq, qoparmaq çox çətin və ağrılı olur. Belələri dərinə kök atmış ağac kimi, dağıdaraq çıxarıla bilir...