Son.az Closer-ə istinadən bildirir ki, 2017-ci ildə şouya qatılmış Conni Mitçellin dediyinə görə, prodüserlər istədiklərini edirlər: "Onlar iştirakçıları çox əməllərə məcbur edirlər. Onların öz taktikaları var. Kimin qalib gələcəyini əvvəlcədən bilirlər".

Mitçellin sözlərinə görə, prodüserlər iştirakçılarla danışaraq istəklərinə çatırlar.

"Layihədə yeni qız peyda olan kimi onlar deyirlər: "Fikrimizcə, o gözəldir. Bəs sən nə düşünürsən?! O qızı yaxından tanı". Prodüserlər bu və digər tərəf-müqabilin seçiminə təkan verirlər", - Mitçell söyləyib.

Şounun digər iştirakçısı Lora Anderson da iştirakçıların davranışına prodüserlərin ciddi təsir etdiklərini deyib: "Bizi şounun çəkildiyi villada uzun müddət ayrı otaqlarda saxladılar, danışmağa belə, imkan vermədilər".