Google Niderlandda xərcləri artıracaq
Digərləri 29 İyn 2019 08:51:00 248 0
"Google" şirkəti Niderlandda data mərkəzlərinin tikintisinə əlavə 1 milyard avro yatırmaqla bağlı planlarını açıqlayıb. Belə ki, şirkət Niderlandın şimal hissəsində yerləşən Middenmer şəhərində yeni obyekt inşa etmək, eləcə də Emshavendə mövcud məlumat emalı mərkəzini genişləndirmək niyyətindədir. Son.az ICTnews-a istinadən bildirir ki, "Google" 2018-ci ildə Niderlandda məlumat emalı mərkəzlərinin inkişafına 1,5 milyard avro sərf etmək niyyətində olduğunu elan edib. Yeni bəyanat nəzərə alınmaqla şirkətin ümumi investisiya qoyuluşları 2,5 milyard avro təşkil edəcək.
Şirkətin data mərkəzlər üzrə rəhbəri Co Kavın sözlərinə görə, Niderland şirkət üçün çoxsaylı bərpa olunan enerji mənbələrinə görə maraq doğurur. O bildirib ki, ölkədə yeni məlumat emalı mərkəzlərinin inşası başa çatdıqdan sonra 500 nəfər işlə təmin ediləcək.
İyunun əvvəlində "Google" şirkətinin Belçikanın Sen-Gilen kommunasında yeni data mərkəzinin tikintisinə 600 milyon avro investisiya qoyacağı ilə bağlı məlumat yayılıb.
Mayda şirkət ABŞ-da Oklahoma ştatında yerləşən ən böyük data mərkəzlərindən birinin genişləndirilməsinə 600 milyon dollar xərcləyəcəyini bəyan edib.
Mənbə: milli.az