Maqnit qasırğasının səviyyəsi açıqlandı
Digərləri 20 İyn 2019 15:15:00 189 0
Kosmik hava durumu – Günəş fəallığı çox aşağı səviyyədə olmuşdur.
Bakı.
Kosmik hava durumu – Günəş fəallığı çox aşağı səviyyədə olub.
Bu barədə Trend-ə Şamaxı Astrofizika Rəsədxanasından məlumat verilib.
Məlumata görə, Günəş diski ləkəsizdir və koronoqraf görüntülərində Yerə doğru yönələn CME (Coronal Mass Ejections – Tac kütlə atılması) müşahidə olunmayıb.
Qeyd edilir ki, 2 MeV-dən çox enerjili elektron seli hesabat dövrü ərzində normal səviyyədə olub. 10 MeV-dən çox enerjili proton seli bütün hesabat dövrü ərzində fon səviyyəsində stabil qalıb.
Hesabat dövründə Günəş küləyi parametrlərində sakit rejimə uyğun zəifləmə müşahidə olunub. Günəş küləyinin sürəti 325 km/san qeydə alınıb. Ümumi maqnit sahəsi hesabat dövründə 3-5 nT intervalında qiymət alıb. Geomaqnit sahə son 24 saat ərzində ümumən çox sakit olsa da, fasilələrdə kiçik həyəcanlaşmalar qeydə alınıb.
Mənbə: az.trend.az