Bakı. Elçin Mehdiyev - Azərbaycanda əhalinin məscidlərə dini ayinlərdə iştirakı ilə bağlı monitorinq aparırıq. Trend-in məlumatına görə, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib. M.Qurbanlı deyib ki, aparılan monitorinqlər onu göstərir ki, Azərbaycanda əhalinin təxminən 7-8 faizi dini ayinlərini məscidlərdə icra edir: "Bakıda 134 məsciddə də aparılan monitorinq nəticələri eyni statistikanı verir. Bu o demək deyil ki, ölkədə əhalinin dinə olan inancları fərqlidir və ya dini ayinləri icra etmir. İnsanlar dini ayinləri adətən öz evlərində icra edir və bu onların şəxsi seçimləridir. Burada heç bir məcburiyyət yoxdur və heç kim irad tutula bilməz.