Azərbaycan qeyri-neft məhsulunun ixracını artırıb
Digərləri 11 İyn 2019 13:45:25 184 0
2019-cu ilin aprelində Azərbaycanın qeyri-neft məhsulu ixracı 167 milyon dollar təşkil edib
Bakı.
2019-cu ilin aprelində Azərbaycanın qeyri-neft məhsulu ixracı 167 milyon dollar təşkil edib. Bu göstərici ötən ilin aprel ayı ilə müqayisədə 29 faiz artıb.
Trend bu barədə İqtisadi İslahatların Təhlili və Kommunikasiyalar Mərkəzinə istinadən məlumat verir.
İxracın əsas istiqaməti Rusiya olub. Aprel ayında bu ölkəyə 49,6 milyon dollar həcmində qeyri-neft məhsulu ixrac olunub. Türkiyəyə ixrac 48,6 milyon dollar, Gürcüstana isə 12 milyon dollar təşkil edib.
Bu ilin yanvar-aprel aylarında Azərbaycandan qeyri-neft məhsulu ixracı 7,1 milyard dollara bərabər olub. Bu göstərici 2018-ci ilin eyni dövrü ilə müqayisədə 1,4 milyard dollar və ya 25,6 faiz çoxdur.
Mənbə: az.trend.az