Son.az Euronews-a istinadla xəbər verir ki, Noa Pothoven adlı niderlandlı qız bir neçə gün əvvəl sosial şəbəkədə paylaşım edərək ölümünə 10 gün qaldığını elan etmişdi.

17 yaşlı qız ölümündən əvvəl öz poblemlərindən bəhs edən avtobioqrafik janrda olan "Winning or Learning" (Qalib gəlmək, ya da öyrənmək) kitabını yazıb.

O, kitabında 11 və 14 yaşında təcavüzə məruz qaldığını etiraf edib. Noanın qeydlərinə görə 14 yaşındaylkən onu 2 nəfər zorlayıb. Lakin utandığından bunu həmişə valideynlərindən gizlədib.

Instagram-dakı axırıncı paylaşımında yemək yeməyi və maye qəbul etməyi dayandırdığını elan edən Noe yaşamağa gücü olmadığını və ölümünü istədiyini bildirib.