Məlumatlar rekord sürətlə ötürüləcək
Digərləri 01 İyn 2019 08:01:00 252 0
"PCI-SIG" təşkilatı "PCI-Express 5.0" spesifikasiyasının yekun versiyasını qəbul edib. Yeni standartda əvvəlki versiya ilə müqayisədə buraxılış qabiliyyəti iki dəfə artırılıb, bu halda əvvəlki nəsil qurğular dəstəklənir, həmçinin az enerji istehlak edilir.
"ICTnews" Elektron Xəbər Xidməti "4pda.ru" saytına istinadən yazır ki, "PCI-Express 5.0" standartı "x16" konfiqurasiyasında 128 QB/s-dək buraxılış qabiliyyəti təmin edir. Yeni arxitekturada siqnalın bütövlüyü yaxşılaşdırılıb və konnektorların mexaniki möhkəmliyi artırılıb.
"Intel" korporasiyasının nümayəndəsi artıq bildirib ki, "Agilex FPGA" çipləri "PCIe 5.0" standartını dəstəkləyəcək. Şirkət müvafiq məhsulunu 2021-ci ildə təqdim etməyi planlaşdırır.
Mənbə: milli.az