Bakı. İraqın paytaxtı Bağdadda ABŞ səfirliyinin yaxınlığında reaktiv mərmilər düşüb. Trend-in "Sky News Arabia"ya istinadən verdiyi məlumata görə, İraq ordusunun birləşmiş komandanlığı bildirib ki, reaktiv mərmilərin "yaşıl zona"ya düşməsi nəticəsində xəsarət alan olmayıb: "Katyuşa" mərmisi Bağdadda "yaşıl zona"nın mərkəzinə düşüb, xəsarət alan yoxdur". İnsidentin digər təfərrüatları barədə məlumat verilmir.