Bakı. Cani Babayeva - Mayın 16-19-da Bakı Milli Gimnastika Arenasında bədii gimnastika üzrə 35-ci Avropa çempionatı keçiriləcək. Böyüklər arasında fərdi hərəkətlərdə Azərbaycanı Zöhrə Ağamirova və Veronika Qudis təmsil edəcək. Gimnastlar Trend-ə müsahibələrində Avropa çempionatına hazırlıq barədə danışıblar. Z.Ağamirova bildirib ki, gimnastikaya 3 yaşında gəlib, əvvəlcə akrobatika ilə məşğul olub, sonra isə bədii gimnastikaya keçib: “Artıq 14 ildir ki, gimnastika ilə məşğulam. Milli komandaya düşəndə çox sevinirdim, amma eyni zamanda Azərbaycanı təmsil etdiyim üçün böyük məsuliyyət də hiss edirdim. Avropa çempionatına çox az vaxt qalıb, bu yarış mənim üçün çox vacibdir. Mən ciddi məşq edirəm. Məqsədimiz səhvsiz çıxış etməkdir”. V.Qudis isə gimnastikaya 2 yaşında gəldiyini deyib: