Bakı. SmartGate avtomatik pasport yoxlama sisteminin nasazlığı bir sıra Avstraliya beynəlxalq hava limanlarında reyslerin gecikməsinə səbəb oldu. Trend-in məlumatına görə, bu barədə ölkənin telekanalı SBS xəbər verir. Avstraliyanın sərhəd xidmətinin açıqlamasında deyilir: "Xidmət zabitləri beynəlxalq terminallarda gələn və yola düşən sərnişinlərin pasportlarını yoxlama sistemində kompüter səhvini aradan qaldırmaq üçün çalışırlar. Reyslərin gecikməsini minimuma endirmək üçün əlavə əməkdaşlarımız göndərildi".