Zühurun intizarında olan şəxsin məqamı
Digərləri 28 Apr 2019 22:40:00 332 0
Dini mətnlərimizdə son xilaskarın - İmam Mehdinin (ə.c) cahanşümul ədalətli hökumətinin intizarını çəkmək ən böyük və ən fəzilətli ibadət sayılmışdır. Bir hədisdə Peyğəmbəri-Əkrəm (s) belə buyurmuşdur:
اَفْضَلُ الْاَعْمالِ اُمَّتِى اِنْتِظارُ الْفَرَجِ مِنَ اللهِ عَزَّوَجَلَّ
"Mənim ümmətimin ən fəzilətli əməli Allah-Taalanın vəd etdiyi zühurun intizarını çəkməkdir!"
O həzrət başqa bir hədisdə belə buyurmuşdur:
اَفْضَلُ العِبادَةِ اِنْتِظارُ الْفَرَجِ"Ən fəzilətli əməl zühurun intizarını çəkməkdir!" ("Biharul-ənvar", 13-cü cild, səh.136-137.)
Son.az maide.az-a istinadən bildirir ki, İmam Əli (ə) də zühurun intizarında olanların məqamı ilı bağlı belə buyurmuşdur:
الْمُنْتَظِرُ لِامْرِنا كَالْمُتَشَحِطِّ بِدَمِه فى سَبيلِ اللَّهِ"Bizim əmrimizin (zühurun) intizarında olan şəxs Allah yolunda qanına boyanan şəxs kimidir."("Biharul-ənvar", 10-cu cild, səh.104.)
Bir nəfər imam Sadiqdən (ə) soruşdu: "Haqq hökumətin bərpasının intizarını çəkdiyi halda, dünyadan gedən şəxs haqqında nəzəriniz nədir?"
İmam buyurdu: "O, Qaimlə sanki bir işdə onun xeyməsində (ordusunda) hazır olan şəxs kimidir.(Həzrət bir az sükut etdikdən sonra buyurdu:) O, İslam Peyğəmbəri ilə birgə mübarizələrdə iştirak edən şəxs kimidir!" ("Biharul-ənvar", qədim çapla 13-cü cild, səh.136.)
Bəzi rəvayətlərdə də belə deyilir:
-O, Allah yolunda qılınc çəkən şəxs kimidir!
-O, Peyğəmbərin hüzurunda qılıncla düşmənin başına zərbə endirən şəxs kimidir!
-O, Qaimin bayrağı altında olan şəxs kimidir!
-O, Peyğəmbərin hüzurunda cihad edən şəxs kimidir!