Son.az Oxu.az-a istinadən bildirir ki, Stefani Bazbi yanvar ayında işdən qovulub. O, bir müddət özünə iş tapa bilməyib və sevgilisinə hazır çörəklərin dükanlara paylanmasında kömək etmək qərarına gəlib. Dayanacaqlardan birində özünə "Ultimate" lotereya bileti alıb və 100 dollar mükafat qazandığını öyrənib.

Buna sevinən qadın daha yüksək mükafata tamahlanıb və növbəti dayanacaqda daha bir bilet alıb. Bazbi xüsusi avtomatda onu yoxlayan zaman gözlərinə inanmayıb. Nə az, nə çox, 10 min dolların qalibi olduğundan xəbər tutub.

O, həyatına "ağ zolağ"ın daxil olduğuna inanır. Belə ki, ardıcıl iki dəfə lotereya qalibi olmasından savayı, həm də yeni iş təklifi alıb.